24 marzo 2010

450/189 - sonetto 323/183° in dialetto

La cartolibràia

 ’A li vende, raramente li spia,
lézerli po! Rilegài o in brossura,
el so marcà punt’a quei che va via
no sui libri che vinze’l tempo e dura...

Ah! ghe vol pì marketing che cultura 
par tegner in pìe na libreria!
De conossa ’i autori no ’a se cura, 
mejo cartèe e cance’eria

e cussì ’a sa de matite e de gome
ma no de l’ultimo libro de Roth;
de l’autor ancor manco: «Scritt come?»

El bèl ’l é success ’a volta che g’ho 
domandà el De monarchia, «de Dante» ho
specificà. «Dante... e’l cognome?»

TUTTE LE POESIE LA CITTA' DELLE BAVE